Advance Pointing Tip: Stress Management ng Manok at Adrenalin Rush

Gallos Finos Gamefowl Supplies Official Lazada Store

Ang stress management ay isa sa mga aspekto ng pointing. Ang iba – pahinga, carboloading, at pagkontrol ng body moisture – ay natalakay na natin.  Ang stress ay tension na bunga ng pagkagipit o ng isang panibago at nakakaibang karanasan.

Ang stress ay hindi maiiwasan kaya gawin nalang nating itong makabuluhang kasangga. Ang stress ay isa din sa dahilan upang ang katawan ay makakaranas ng “adrenaline rush”  na makakatulong sa manok natin.

Ang stress ay tensyon na sanhi ng kagipitan o hindi pangkaraniwang kalagayan na mararanasan ng manok. Ang katawan ay may likas na depensa sa mga ganitong pagkakataon.  Sa pagkakataong ma stress ang manok ang katawan ay maaaring makaranas ng tinatawag na “adrenaline rush”, o magpalabas ng hormong adrenalin.

Complexor Vitamin B-Complex

Ang adrenalin ay isa sa mga panlaban ng katawan sa oras ng kagipitan.  Ang adrenalin ay hormone sa katawan na sanhi ay pagpalabas ng kakaibang lakas, bilis at tapang bilang likas na depensa ng katawan sa bingit ng panganib o kagipitan.

Halimbawa, kung tayo'y hinahabol ng kalaban na may dalang itak, diba napakabilis nating tumakbo? Kung habulin kaya tayo ng isang aso di kaya natin madaling maakyat ang pinakamalapit na punongkahoy?  Kung may sunog, ang lakas nating magbuhat ng mga mabibigat na bagay na hindi nating kayang buhatin kung wala ang panganib.

Ang masidhing bilis at lakas na mararanasan ng manok ay sanhi ng daloy ng hormong adrenalin sa katawan.  Hindi lang bilis at lakas, maaari pang pati tapang ay pinasisidhi ng adrenalin. Kaya nga ito tinatawag na flight or fight hormone.

May mga pagkakataon na kahit anong panganib ay sinusuong natin kapag gumagana na ang adrenalin. Halimbawa nito ay ang mga sundalo sa digmaan nagtataglay ng kakaibang tapang at lakas sa gitna ng putokan at bakbakan.

Paglipas ng adrenalin   

Habang gumagana ang adrenalin sa katawan, makakaranas ang manok ng naiibang bilis, lakas, at iba pang pisikal na kakayahan. Dahil nga ang hormong adrenalin ay likas na depensa ng katawan laban sa nagbabantang panganib.

Kailangan ng katawan upang makaiwas o malabanan ang anumang bantang nakaabang. Ngunit paglipas naman ng pagdaloy ng adrenalin ay pagod at katamlayan naman ang papalit.

Dito sa adrenalin rush nakasalalay ang buong konsepto ng stress management. Ang hangarin natin ay ang maitakda ang adrenalin rush sa tamang oras – ang oras ng laban. Kaya ang lahat ng ating gagawin, habang palapit ang oras ng laban, ay nakatuon sa layuning ito. Ito ang buong prinsipyo ng stress management.

Derby Pills Gamefowl Pointing Supplement

Advance Pointing Tip: Carbo-loading

Ang carboloading ay ang pagbawas sa porsiento ng protina at pagdagdag naman sa porsiento ng carbohydrates sa pakain.

Sa lahat kasi ng pagkaing masustansya ang carbohydrates ang may pinakamataas na bahagdan ng enerhiya na pinakamabilis magamit ng katawan.  Subalit hindi basta basta lang ang pagbigay natin ng carbohydrates sa manok lalo na't kung malayo pa ang laban. Dahil ang carbohydrates na hindi nasusunog ng katawan upang maging enerhiya ay nagiging fats o taba.

Ang taba ay ang magsisilbeng reserba ng katawan upang magamit kung sakaling kakailanganin.  Ayaw nating tumaba ang ating manok. Kaya sa malayo pa ang laban ay di natin binibigyan ng maraming carbohydrates. Mas kailangan ng manok ang protina kaysa sa carbohydrates kung malayo pa ang laban, dahil ang protina ang nag dedevelop ng muscles.

Kaya itakda natin sa wastong panahon ang pagcarboloading. At, ito'y kung malapit na ang laban. Untiunti ang pag-carboload. Umpisahan natin ito sa pakain sa hapon dalawang araw bago ang laban. Ang ating halo sa pagkakataong ito ay 80% ng nakasanayang pakain at 20% cracked corn.

Isang araw bago ang laban sa umaga 60% ang nakasanayang pakain at 40% cracked corn. Sa hapon 40% na lang ang dating pakain at 60% na ang cracked corn. Kinabukasan ay araw na ng laban.   

Advance Pointing Tip: Pagkontrol ng Body Moisture ng Manok

Kailangan kontrolado ang body moisture o ang pagkabasa ng katawan ng manok kung ito'y ilalaban. Ang sobrang tubig sa katawan ay pabigat at sagabal sa pagkilos ng husto. “Dryness for sharpness”, wika ng mga Amerikanong bihasa sa pagmamanok.  

Subalit, tulad ng ano mang bagay, kung sobrang tuyo naman ang katawan, ito'y nakakasama dahil mawawalan ng lakas ang manok. At katulad ng sobrang basa ang katawan, ang manok na sobrang tuyo ay masamang mag “cut” at hindi madaling makapatay.  

Ang pagkabasa ng katawan ay maaaring maitakda sa uri ng pagkain na ibibigay at pagkontrol ng tubig na pinapainom. Halimbawa ang puti ng nilagang itlog ay nakakadagdag ng body moisture. Ganoon din ang karamihan sa mga prutas. Ang pellets naman ay pangpatuyo.  Tuktukang maige ang body moisture sa panahon ng pagpatuktok.   

Praktikal lang ang pagkontrol ng moisture. Kung sobrang basa, huwag bigyan ng pagkain na makakadagdag basa, at limitahan natin ang tubig na pinapa-inom. Sa malayo pa ang laban ay babad ang tubig at hinahayaan natin ang manok na uminom hanggang sawa. 

Pag palapit na ang laban ay kinukontrol na ang tubig. Ang ibang tagapagkundisyon ay inuumpisahan nilang kontrolin ang tubig dalawa o isang araw bago ang laban. Tayo sa araw ng laban kinukontrol ang tubig. May tiwala tayo sa manok, na alam nito kung ano ang mas nakakabuti sa kanyang sariling katawan. 

Sa araw ng laban ay dapat pakialaman na natin ang manok kasi hindi kailanman alam o maiisip ng manok na may laban siya at dapat kontrolin ang pag-inom.  Kung tuyo naman ang katawan, bigyan ng pagkain na makakadagdag moisture tulad ng puti ng itlog at prutas. At huwag limitahan ang tubig, maliban sa araw ng laban. 

Advance Pointing Tip: Two Days Bago ang Laban

Dalawang araw bago ang laban ay umpisahan nang ilagay sa kulungan ang mga manok upang makapagpahinga ng husto. Bandang alas 9 ng umaga ay ipasok na sa kulungan. Ilabas sa limber pen bandang 11:330AM upang mapagmasdan ang galaw at body moisture.

Ilagay natin sandali sa scratch box, mga 3-5 minuto, bago ibalik sa kulungan. Bandang alas 3 ng hapon, kung kailan malamiglamig na ang araw, ilabas natin sila sa tie-cord.

Kinagabihan turukan ng 0.4 ml na Vitamin b12 na may iron.  Isang araw bago ang laban ay di na natin ikinakahig at isinasampi ang manok. Pailawan lang at palakadlakarin sandali sa umaga.

Isang oras pagkatapos pakainin at painumin ay ipasok na sa kulungan. Sa pagkakataong ito ay takpan ng tela ang kulungan upang medyo madilim sa loob at makakapagpahinga ng husto ang manok.  Ilabas sa tanghali at obserbahan.

Ibalik sa kulungan at takpan uli. Ilabas sa oras ng pagpakain. Kinabukasan ay araw na ng laban. 

Advanced Pointing Tip: Selection and Preparation

Pitong araw bago ang laban ay ihanda na ang mga panlaban para sa pointing stage. Turukan ang bawat isa ng 0.4 ml na gamot na Vitamin B12 na may Iron. Sabay unti-unting pag-alis sa pula ng itlog at atay sa pakain upang dahan-dahang bumaba ang bahagdan ng protina. Dahil di na maglalaon ay uumpisahan na natin ang carboloading o ang pagdadagdag ng bahagdan ng carbohydrates sa pakain kung ihahambing sa bahagdan ng protina.

Anim na araw bago ang laban ay hindi na natin masyadong pinapagod ang manok. Hayaan nalang natin ito buong araw sa conditioning pen o kaya'y sa tie-cord na nasa lilim. Limang araw bago ang laban, ibitaw natin ang mga manok.

Ito ang magsisilbeng huling pagpili o final selection kung alin-alin ang karapatdapat nating ilaban. Piliin ang mga manok na sa palagay natin ay makakarating sa tuktok ng pisikal at mental na kundisyon pagdating sa araw at oras ng laban.

Kinaumagahan, apat na araw bago ang laban, ay paliguan ang mga napiling manok ng shampoo na nakakapatay ng hanep at kuto. Patuyuin sa init ng araw. Sa panahong ito'y paunti ng paunti ang ating ehersisyo.

Sa apat at tatlong araw na lang bago ang laban ay iwasan na natin ang pagpagod sa mga manok.  Siguro palakad at kaunting kahig sa umaga, at scratch box sa tanghali. Sa mga araw na ito ay mahabahaba ang panahon na ang mga piling panlaban ay nasa pointing pens sa halip na nasa conditioning pens o sa fly pens.

Tamang pagpalaki ng sisiw at tamang conditioning ng manok panlaban.

Tanong: Sir tanong ko lang po ano ang tamang pagpapalaki ng sisiw, sir at tamang pagkundisyon ng manok na panlaban? Salamat po. (03:41:42PM Apr-20-2007)  

Sagot: Tulad ng napahayag na natin dito, ang masasabi ko ay napakahirap sagutin ang mga ganitong katanungan, lalo na't sa pamamagitan ng text.  Hindi lang napakahaba ng sagot, napakarami pa.

Oo. Marami ang maaring sagot sa tanong na kung ano ang tamang pagpapalaki at pagkundisyon ng manok. Isa't-isa sa atin ay may sariling pamamaraan, may sariling simulain sa pagmamanok. At may sarili ding pamantayan.

At saka ang salitang tama ay relatibo o may kaugnayan sa lugar, klima at kapaligiran kung saan nandoon ang mga manok natin. Ano ang tamang pamamaraan kung ang manok natin ay nasa Baguio, ay baka mali kung nasa Maynila ang manok natin.

Subalit, sa kabila ng lahat, may mga alituntunin o mga guidelines na gawin nating patnubay sa ating pagmamanok. Halimbawa, kalinisan, masaganang pakain, at pagmamahal. Ang mga ito'y dapat nating ibigay sa ating mga alagang manok, sa lahat ng pagkakataon.  Sa pagmamanok ay walang “absolute right nor absolute wrong”.

Kahit anong gawin o at anong galing mo may pagkakataon na matatalo ka rin. Kahit hindi ka naman napakagaling may tsansa ka ring manalo.  Walang perpekto sa sabong. Kaya huwag magasam na maging perpekto. Mahalin lang natin ang ating manok. Ibigay natin ang inaakda nating dapat ibigay. At mag-enjoy habang ginagawa natin ito.

Pinakamahalaga sa lahat dapat ang pagmamanok ay hindi pabigat sa bulsa. Ibig sabihin huwag sobrang gastos, huwag sobrang sugal.

Karamihan sa mga successful na sabungero ay may sinusunod na iisang pattern ng conditioning o school of  thought. Kung ikaw ay baguhan pa sa breeding, hinihikayat namin na mag-follow muna ng isang kinikilalang authority o source ng sabong at breeding at huwag pagsabay-sabayin sa iba sapagkat minsan paiba-iba if not contradictory ang mga aralin. Sinabing art nga ang sabong at hindi pa exact science. Pagdating naman sa veterinary nutrition and medicine, piliin ang reliable sources like beterinaryo and animal nutritions.

Dito sa Sabong Guide, inilalathala natin ang isang school of thought na consistent at proven na sa industriya. In answer to your question, ang una mong gawin upang successful sa conditioning, pointing at pagmamanok in general is i-follow itong page  at i-like ang aming Facebook para sa unlimited source of sabong literature na libre.

Pampalaki ng katawan ng manok

Sinasabing ang isang atleta ay magkakaroon ng malaking boost sa performance na hanggang 30 porsyento kung ito ay gumagamit ng steroids bagamat ito'y pinagbabawal. Ang napakalaking rason kung bakit ito ipinagbabawal ay hindi sa isyu ng kalusugan kundi sa isyu ng sportsmanship at fairness.

Totoong meron itong adverse effect sa tao pero ito ay magiging kontrolado sa pamamagitan ng cycling. May mga olympian at body builders pa pa nung 1940's na gumamit ng steroids pero buhay pa hanggang ngayon.

Gallos Finos Advanced Gamefowl Supplements Store

Di gaya ng mga mainstream na isports, ang sabong ay hindi regulated pagdating sa paggamit ng steroids. Ibig sabihin may paraan upang makalamang sa kalaban na hindi kinakailangang lumabag sa anumang kalakaran o batas pang-sabong.

Hanggang sa ito'y i-regulate din gaya ng isports pangtao, logical lamang para sa isang sabungero o breeder na palawakin ang isip nito patungkol sa steroids at i-adopt sa kanyang conditioning program.

Paano gumagana ang steroids pang manok?

• Nagpapalawak ng pectoral muscles at nagpapabawas ng timbang habang nagpapalakas ng buto.
• Nagpapa-tapang ng manok. 
• Nagpapa-improve ng reflexes (tikas) at nagpapabilis ng paggaling ng injury at sugat. Nagpapadagdag din ito ng enerhiya at nagbabawas ng stress